தீர்க்கதரிசி - கற்பித்தல் பற்றி

கற்பித்தல் பற்றி.

பிறகு ஒரு ஆசிரியர் கற்பித்தல் பற்றி சொல்லுங்கள் என்றதும்

அவர் சொன்னார்:

அறிவின் ஆரம்பத்தின்

அரைத் தூக்கத்தில்

ஏற்கனவே இருப்பதை

யாரும் வெளிப்படுத்த முடியாது

கோயில் நிழலில் ஆசிரியர் மாணவர்களோடு நடக்கையில்

அளிப்பது ஞானத்தை அல்ல

அவருடைய நம்பிக்கையும் அன்பையும்தான்

உண்மையில்

ஆசான் ஞானி என்றால்

அவரது ஞானவீட்டில் நுழைய

மாணாக்கரை ஏவமாட்டார்.  – ஆனால்

மனவெளியோரம்  அவர்களை வழி நடத்துவார்

வானியலறிஞர் அண்டத்தைப் பற்றிய

அவரது புரிதலை உங்களிடம் சொல்லலாம்  - ஆனால்

அவரது புரிதலை அப்படியே உங்களிடம் தரமுடியாது

விண்வெளியின் தாளகதியில் இசைவாணர் பாடலாம்-ஆனால்  

தாளத்துக்கு விலங்கிட்டு குரலை எதிரொலிக்காத காதுகளில்

அவரது பாடலை ஊற்ற முடியாது

எடையின் பரிமாணத்தை அளவின் பரப்பை

அறிவியல் எண் அறிஞர்

எண்ணிக்கையில் சொல்ல முடியும்- ஆனால்

அந்த பரந்த பரிமாணவெளியில்

அழைத்துச்செல்ல முடியாது

ஒருவர் பார்வை பெற இன்னொருவர் தர வேண்டியது

சிறகுகள் அல்ல.

ஒவ்வொருவரும் இறைஞானம் வேண்டி தனித்து நிற்பதால்

இறையறிவிலும் உலகப்புரிதலிலும் தனித்தே இருக்கிறீர்